बाजुरा : जिल्लाको बुढीगंगा नगरपालिकामा शनिबार विहान जंगली भालुको आक्रमणबाट एक महिला घाइते भएकी छन् ।
स्थानीयका अनुसार घाइते हुनेमा सोही नगरपालिका–७ झालीकी अन्दाजी २७ वर्षीया सुनिता कटुवाल रहेकी छन् ।
घर नजिकै रहेको मकैबारीबा बाँदर र भालुले खाएका मकै काटेर ल्याउन गएका बेला भालुले महिलालाई आक्रमण गरी घाईते बनाएको स्थानीयले बताएका छन् । भालुको आक्रमणबाट घाइते भएकी कटुवालको खट्टा र अन्य शरिरमा चोट लागेको छ । घाइते कटुवाललाई स्थानीयले झाली आधारभूत स्वास्थ्य चौकीमा उपचारका लाथि लिएका थिए ।
त्यहाँ उपचार सम्भव नभएपछि थप उपचारका लागि एम्बुलेन्समा अछामको बयालपाटा अस्पतालमा लगिएको बताइएको छ । जंगली भालुको आक्रमणमा परी घाइते भएकी महिलाको अवस्था गम्भिर रहेको स्थानीय खडक बिष्टले बताएका छन् ।
प्रतिक्रिया दिनुहोस